تجربتي مع شرم الشيخ لقد قمت بزيارة شرم الشيخ اكثر من مرة واكثر من فندق ولكن ليس هناك
افضل من أن تذهب مع شركة سياحة
اولا التكاليف ستقل حوالى من 300ج ل 400ج أن ذهبت بمفردك من ممكن أن تكلفك 1000ج ولن تكون فندق ذو جوده جيده غالبا من 3 ل4 نجوم وبدون وجبات كما من الممكن ان تذهب بال1000ج مع شركة سياحة ويكون فندق 5 نجوم فطار وعشاء ده فى ثمن الرحلة بدون تخفيضات السفارى ستوفر معاك مره اخري حتي أن أرادت أن تجرب شئ أخر سأكتب الاسعار بشكل منفصل
1 – غالبا هتكونوا طالعين الساعة 7 الصبح هتوصلوا حوالى الساعه 2 ده لو من القاهرة لو من الاسكندرية حوالى 13 ساعة افضل شئ تعملة انك متنمش بليل وانتا مسافر الصبح لان الطريق طويل جدا وهترهق لو كنت صاحى قدامك حاجه من 2 يا اما متنمش بليل يا اما هتخلى معاك مهدئ بعد الاتوبيس ما يطلع بنص ساعة تاخده مش هتحس بالسفر فالسوبر جيت
2 – لما هتوصل هتكون تعبان جدا من قعدة الكرسى هتخش الفندق يدوب هتاخد شاور وتنامل من 3 ل4 سعات هتصحى على المغرب فايق لازم هتروح خليج نعمة اول يوم وهيبقى شركة السياحة الى طالع معاها هتقلك على انواع الرحلات او اول ما هتنزل خليج نعمة هتلاقى ناس بتقلك على رحالات بالهبل
3- هيفضل يحكى كتير وياكل دماغك وكده سيبك منه خالص انا هقلك على حجات معينة تروحها دى افضل حاجه تانى يوم الصبح لازم تروح مركب تعمل سنوركينج وديفينج يعنى سباحة وغطس عشان ميفضلش يكلمك ويحطلك كلام بالانجليزى ويشتغلك تمن الرحلة دى 150ج لو هتعمل غطس وسباحة ولو سباحة ومركب بس 120ج هيفوتك كتير لو منزلتش غطس السباحة هتلبس اللايف جاكت ومعاك النضارة بانبوب التنفس وتشوف الشعب المرجانيه زى الى فالصور كده بس خلى بالك اوعى تلمس اى حاجه منهم لان فى شعب منهم حاده وفى شعب نارية بوظت رجل وايد واحد صحبى الديفينج الغطس دى امتع حاجه فالرحلة هتنزل تحت المياه لمده 15 دقيقة لابس بدلة الغطس والاجهزه قبل ما هتنزل هيفهمك كل حاجه ازاى تاخد نفس لو حصلتلك مشكلة تعمله علامه اى تعمل اى لو فى ضغط مياه فى ودنك وكده بعد كده هتطلعوا تتغدوا غالبا الاكل بيبقى رز واى نوع خضار وحجات من الفراخ متعرفش اى نوعها اصلا مش وراك وصدور زى ما بنعرف 😂😂
بعد كده عندك مشروب طول اليوم هتلاقى كذا تنك فى مشروبات
بس ميضرش شويه مولتو وعصاير وانت رايح بعد كده هيروح لتيران وصنافير تعملو سنوركينج هناك انتوا هتعملو 3 مرات سنوركينج اول مرة بعد ما تطلعوا بنص ساعة تانى مرة عند المركب الغرقانة ثالث مرة عند تيران وصانفير
4- هتتفق فى نفس اليوم انك تطلع سفارى الفجر انتا هتروح من رحلة المركب على الساعة 5 هتروح تاخد دوش وتنزل على خليج نعمة فى مطعم هناك اسمه المصرين الاكل هناك مصرى ومضمون ومطعم كبير جدا وفى كل الوجبات بقا عاوز فراخ لحوم ممبار كوارع الى انتا عاوزه واسعاره ارخص من بتوع القاهرة والاسكندريه فراخ ولحوم 😃
هتخلص لفتك الحلوة خلى بالك لما هتخش خليج نعمة فى مربعات للقعود ممكن يستغلك بمعنا ممكن تقعد تطلب انتا و4 صحابك 4 منجو تدفعوا 400ج هتخلص لفتك الحلوة هتروح عشان عندك سفارى الفجر الساعه 5
5- السفارى هتيجى عربية تاخدك من قدام الفندق توديك الجبل تركب بيتش باجى ده سعره لو فرد واحد ب90ج لو فردين على بيتش واحد كل واحد 45ج عشان محدش يستغفلكو هتركبو البيتش باجى وتمشوا فالصحراء بقى والدنيا ليل وكشفات وجو ممتع جدا وتروحو جبل الصوت بعد كده هتقفوا شويه تشوفوا منظر شروق الشمس وتقعدوا تشربوا شاى زردة بدوى طعمة مش حلو 😃 بس ما علينا
هتركبوا البيتش باجى وتلفوا وترجعوا بتاخد الرحلة دى زمن حوالى من 3 ل4 سعات طبعا هتروح على الساعه 9 تكون فالفندق هتجهز نفسك عشان تروح الشواطئ الى فى اخر خليج نعمة تمن الشاطئ 10ج او 20ج حاجه كده هتخش جوه هتلاقى واحد فالشاطئ بيكلمك عشان تركب البنانا بوت غالبا سعرها للفرد من 50 ل60ج مركبتهاش بس صحبى ركبها عجبته وهتركب براشوت لو لواحدك 100ج هو مدته حوالى 10 دقايق بس بتحس كانهم ساعة ومتعة لا توصف خلصت ااقعد عالشاطئ بقا وظبت ادئك مش هتلاقى نفسك فى بلطيم وجو المحشى بقا وحد بيظلوط جمبك 😃 اغلبهم اجانب والباقى ناس نضيفة والشواطئ عليها امن يعنى متدخليش بفسيخ وكشرى والجو ده ابوس ايدك يفضل لو هتدخل بعصير وبسكوتات وكده وانتا مروح من الساعه 3 للساعة خمسة هتلاقى فى اول المشاية فى عربية بتبيع عصاير طبيعية مركزة جركن 2 لتر بكنت شاريه من سنه ب30ج بس غالبا بقى اغلى حجات بسيطة عصير جميل جدا ومركز اوى جرب المانجو والفراولة هتعجبكو اووى هتروح تنام وتصحى تانى يوم
6- الغواصة دى بقا متعة تانيه بتبقى قاعد تحت وشايف الاسماك والمناظر الروعة دى ودى تمنها 120ج من 9 ل4 حاجه زى كده ليك وجبة غدا زى المركب ومشروبات روووعة خلابة
7- وده اسمها رحلة سفارى دى بقا بياخدك فى مكان فى صخور من ملاين السنين كان فيه بحر بس المياه اختفت فشكل الصخور بقا الملونة اول حاجه هيجى ياخدك بعرببة من قدام الفندق لحد العربية الجيب رنجر وطير فالصحراء وفى جبال صغيره بيطلع وينزل من عليها متعة لحد ما توصل للصخور هتخلصوا لفتكو ويشرحلكو كل حاجه وفى صخور على شكل جمال وحيوانات محللة هتركبوا الجيب هتوديكو لمكان العربية تشربوا الشاى بعد كده ياخدكم للبلو هول من اجمل مناطق شرم الشيخ هناك هيقعدكوا فى مكان قصاد البحر البلو هول ده عبار عن نيزك وقع فالمكان ده من زمان جدا فعمل حفرة كبيرة جدا فيها شعب مرجانيه كتير اوى واسماء وروعة فى وشها على طول وانتا قاعد هيشورولك على السعوديه والخطوط بتاعتك مش هتجيب شبكة وفى الى منكم هيلقط شبكة سعودى هتنزلو تعملو سنوركينج هتاجروا الملابس الايف جاكت ب25ج والبدلة غالباه ب75ج هتنزل السنوركينج فيها جميل اوووى بس خليبالك اوعك تلمس الصخور بحظر تانى وبعد كده هتطلعوا تتغدوا وياخدكم يوصلكم الفندق بليل بقا هتروحوا حاجه اسمها سوهو سكوير ده مكان زى مول كده ارضى مفتوح وفى فنادق ده تحفة اووووى وكل السياح هتلاقيهم هناك فى حاجتين بقا بعد كده لو رحت يوم جمعة هتلاقى فى حفلات بتنظم زى سهرات بيتلم فيها كل الاجانب التزكرة ب150ج وليك مشروب مرحتش عشان ماليش فى جو الخمور والجو ده والمنكر 😂😂
اوعك يوزك عقلك وتعمل مساج هتدفع 500ج وكل الى هناك مصرين مبتدئين كلها ساعة ونص هيبقلشك
دمتم سالمين ومسافرين
ألغاز 